باہمی جھگڑے پر ہوائی فائرنگ کرنے والا ایک گرفتار 

رشیکیش۔ آپسی جھگڑے کے باعث ایک شخص نے مخالفین کو ڈرانے اور دھمکانے کی نیت سے بندوق سے فائرنگ کر دی۔ پولیس نے ملزم کو گرفتار کر لیا ہے۔ اس کے پاس سے لائسنسی بندوق اور کارتوس بھی برآمد ہوئے ہیں۔ رائے والا پولیس کے مطابق گنگا سورج پور کالونی ہری پورکلا کی رہائشی لکشمی بیٹی رام لوٹن نے پولیس کو بتایا کہ ملزم دیوی دت بھٹ نے اس کے والد کو گالیاں دیں اور جان سے مارنے کی دھمکیاں دیں۔ الزام ہے کہ ملزم نے ڈرانے دھمکانے کی نیت سے ہوا میں بندوق سے فائرنگ کی۔ تب سے وہ اور اس کا خاندان خوفزدہ ہے۔ پولیس نے معاملہ درج کرکے ملزم دیوی دت ولد ہری دت ساکن گنگا سورج پور کالونی ہری پور کلا کو گرفتار کرلیا۔ رائے والا کے ایس ایچ او بھون چندر پجاری نے بتایا کہ دونوں فریقوں کے درمیان کسی تنازعہ پر لڑائی ہوئی تھی۔ جس کی وجہ سے ملزم نے غصے میں آکر لائسنسی بندوق سے ہوا میں فائر کر دیا۔ ملزم کو عدالت میں پیش کیا گیا۔ جہاں سے اسے جیل بھیج دیا گیا ہے۔ کیس میں آرمز ایکٹ کی دفعہ 30 میں بھی اضافہ کیا گیا ہے۔ معاملہ زیر تفتیش ہے۔